Jingpyrshang bakhamphylla

Ka Lynti iaid kjat u Sahep David Scott

Ka dei kawei na ki lynti iaid kjat ba la rim bha ha ka jylla. La ai nam ia u Sahep David Scott, uwei na ki ophisar rangbah ka sorkar phareng u ba dei peit dei khmih ia ka thain shatei lam mihngi jong ka ri India, kynthup ia ka ri Khasi.  Dei ha ka por u sahep David Scott ba la shna ia kane ka surok kulai, ban suk ka kit ka bah ha ki por phareng. Kane ka surok ka sdang naduh Assam shaduh Sylhet. Ka iaid lyngba ia ka ri Khasi. Ka bynta jong ka surok naduk Mawphlang haduh Lad-Mawphlang ka dang don haduh mynta mynne bad ka jingjngai ka long kumba 16 km.

Na ka surok kyllain na shnong Mawphlang lah ban ioh-i ia ki lum ki them ba itynnad. Ka shim por kumba 4-5 kynta eiei na ba sdang sha ba kut. Ia ka jingitynnad ka mariang ha ri Khasi lah ban sakhi da ka jingdon ki um ba sngur khlir khlir, ka lyer iwbih, ki lawbniap ha ki lum ba jyrngam & ki them ki lhuh ba jylliew.

Katba dang hiar na Mawphlang lah ban ioh i ia ka jingitynnad ka wah umiam-mawphlang kaba tuid shaduh Bangladesh. ki um ba phyrnai ki paw bad ki jah katba dang hiar arsut ia ka riat. Ka jingkieng ba la tei ha ki por phareng kam don shuh, hynrei la shna thymmai da ka jingkieng sainar kaba skhem.  Hajan Mawphlang don ka kor shongthait ba la tip kum ‘Ka Kor Ka Shonmai’.

Ha lynti ki don ki shnong rit, kiba ka jingim shisur ha nongkyndong ka i phuhmut phuhmat bha. Hajan Lad Mawphlang lah ban ioh ia ki mawsiang ba wan dur itynnad.  Kane kadei kawei na ki lynti iaid kjat ba ki nongwan jngoh kai pyrthei na Ri Khasi & nabar ri ki ju sngewtynnad ban iad kai trekking.