Jingbatai Lyngkot

Ia ka Khasi Hills Distrik ba la tip ha ki por barim, la phiah ha ki ar tylli ki distrik  kata ka East Khasi Hills Distrik bad ka West Khasi Hills Distrik ha ka 28 Risaw 1976. Ha ka 4 tarik u Jylliew 1992, ka Ri-Bhoi ka la ioh la ka jong ka distrik ba pura na ka East Khasi Hills Distrik. Ka Shillong ka dei ka nongbah jong ka East Khasi Hills Distrik. Ka distrik ka kynthup ia 11(Khadwei) tylli ki blok (C&RD Block).

Ka jingheh bad ki pud sawdong

Ka East Khasi Hill distrik ka don ha ka jaka pdeng jong ka jylla Meghalaya bad ka jingiar ka long kumba 2,748 Sq.Km. Ka hap hapdeng 25°07” & 25°41” latitude shatei bad 91°21” & 92°09” Longtitude Mihngi.

Ia ka bynta ba shatei jong ka distrik la ker da ka them Ri-Bhoi Distrik bad nang kiew sha ki jaka lum jong ka Shillong. Shaphang shathie ki don ki riat kiba kynthup ia ki shnong hapoh Mawsynram-Shella-Pynursla blok ter ter shaduh ki thor ba markhap ia ka ri bangladesh. Ia ka distrik la ker da ka West Jaintia Hill sha mihngi bad ka West Khasi Hill Distrik sha sepngi.

Ki lum ki wah, Jinglong ka suin bneng bad ka thung ka tep

Khambun ki bynta jong Ka East Khasi Hill Distrik ki long lum, ki don ki riat & ki sharing lum ha ka bynta ba shathie. Na ki lynter lum jong u lum shillong, ki mih bun ki wah kiba noh sha ki sharing lum riwar shaduh bangladesh. U lum Shillong uba don kumba 10 km na sor. Na syntai lum lah ban iohi lut baroh sawdong jong ka Sor bad ruh ka dei ka bynta ba jrong tam eh ha ka distrik kumjuh ruh ha ka jylla. Ha ka por janmiet, ki jingtbeh jingshai ki paw bad phalang kum ki khlur ha kylleng ka sor.

Ka jingshit jingkhriat ka iapher ha ki jaka lum na ki ja ka them. Ki jaka ba padun sha ki thain ri war shathie & ribhoi shatei ki syaid katba ki jaka ha lor lum ki kham khriat. U lyer slap south-west monsoon u ktah ia ka district naduh u jymmang ter ter haduh u nailur. Ka jinglong suinbneng ka sngem ha ki bnai slap, katba ka rang ryngkhiang naduh u nohprah haduh u lber.

Ki jingshna-jingtei bad ka roi ka par

Ia ka Shillong kaba dei ka nongbah jong ka jylla bad ka distrik, la pyniasoh bad ka Guwahati kumba 103 Km bad Silchar kumba 240 Km lyngba ka NH 44. Ka steshon Rel bad kad liengsuin kaba jan eh ka don ha Guwahati. Ka don ruh ka kad liengsuin rit ha Umroi kaba jngai kumba 35 Km. na Shillong. Ia ki mar ki mata bad ki mar-rep mar-riang la ju kit da ki trok, ki traktor ki jeep etc. Ka Shillong ka don ia ki surok kali ba pyniasoh ia baroh ki bynta jong ka jylla. Kumjuh ruh, ia ki blok (C&RD Block) ha ka distrik la pynia snoh da ki surok rong. Hynrei, ki don ruh ki shnong kyndong ba ki surok kali kim biang satia.