Ka Ward's Lake (Nan Polok)

Ka jingkdew lynti

Ka Ward’s Lake  ka long kawei na ki jaka jngoh kai ba pawnam jong ka nongbah Shillong. Ju khot ruh ia ka da ka Nan Polok namar jong uwei u nongshna uba kyrteng u Pollock ha ka por shwa ba ka ri kan ioh ia ka jing laitluid. Ka lah don kumba 100 snem mynta. Ha ki por mynbarim, U Chief Commissioner jong ka Assam, u Sir William Ward u la don ka jingmut ban tei ia kane ka nan. Hynrei ha u snem 1894, u Colonel Hopkins u lah pynurlong ia kata ka jingmut da kaba shna noh ia kane ka nan.

Ka don hapdeng jong ka nongbah Shillong bad ia kane ka nan la ker sawdong da ka phyllaw ba jyrngam ba don ki syntiew bun jait bad ki lynti iaid bam er pyngngad ba thung da ki maw, nalor kata don ruh bad kawei ka pung (fountain) ba iphuh. Hapdeng jong kane ka nan ka ieng kawei ka jingkieng dieng bad nangta nalor lah ban ai bam ia ki dohkha ba don ha ka nan sha trai. Lah ruh ban shong lieng ha kane ka nan. Nalor kine kiei kiei baroh, ka don ka dukan bam ha kaba ki nong wan jngoh kai ki lah ban shong thait bad ban bam ban dih. Kane ka nan ka long kaba pawnam ym dei tang hapdeng ki nongwei hynrei ki trai shnong ruh ki ju wan kai bora bor.

Ka Rynsan peit dur

Peit lut ia baroh
  • Ka Jingkieng ha Nan Polok (Ward's Lake)
    Ka Jingkieng ha Nan Polok (Ward's Lake)
  • Ka dur jong ka phyllaw ha Nan Polok (Ward's Lake)
    Ka Phyllaw ha Nan Polok (Ward's Lake)
  • Ka Nan Polok (Ward's Lake) ba itynnad
    Ka Nan Polok (Ward's Lake) ba itynnad

Kumno ban poi :

Na suin

Ka Lokpriya Gopinath Bordoloi International Airport, ba ju tip mynshuwa kum ka ‘kad liengsuin Borjhar’, ka dei ka kad liensuin ba leit sha kylleng ka pyrthei. Ka don kumba 128 Km na Shillong. Ki erplein ba leit sha kylleng ka ri India ki mih na kane ka kad. Lah ban shong da ki taksi, ki STPS Airport Shuttle & ki Tata Sumos na steshon kali kad liengsuin sha Shillong. Ka shim por tang kumba about 20 minit da ka helikoptar na Borjhar sha Shillong. Kane kadei kawei na ki lynti ba kloi tam ban poi sha nongbah Shillong. kumba 35 km na Shillong ka don ka kad liengsuin rit ha Umroi. Ia mynta, kane ka kad liengsuin kam pat treikam bha. Na Umroi lah ban ioh ia ki taksi ba leit ba wan sha Shillong.

Da ka rel/train

Ym don lynti rel haduh Shillong, hynrei ka steshon rel ba heh ka don ha Gauhati. Ka steshon rel gauhati kaba pyniasnoh bad baroh ki nongbah ha ri India ka don kumba 104 km na nongbah Shillong. Ka steshon bus Meghalaya Transport Corporation (MTC) ka don hajan Steshon rel. Lah ban shong daki Bus MTC, Ki Sumo ne ki taksi najan steshon rel ban wan sha shillong. Ka surok bah National Highway 40, kaba pyn iasnoh ia ka Shillong bad Guwahati ka long kaba bha. Ki bos ki riew shimet bad bos MTC ki ai ka jingshakri na shillong sha gauhati. Ha Shillong, ka steshon bos sorkar ka don hajan Khyndai lad, katba ka steshon bos riew shimet ka don ha jan madan Polo. Ki bos ki shim por kumba 3 kynta ei ei bad ki kali rit ki shim por kumba 2 kynta tam eiei.

Da ka surok kali

Ha Shillong lah ban ioh ki taksi, ki bos ban leit sha Ward's Lake (Nan Pollock).