Ka National Social Assistance Programme (NSAP)

Tarik : 10/01/2019 - 03/04/2019 | Ka tnad: SOCIAL WELFARE

Ka National Social Assistance Programme (NSAP) ka dei ka skhim ba la pyniaid da ka sorkar pdeng ka Ri India ba pynbiang da ka tyngka ia kiba la iaw, kiba la iap lok bad ki briew ba duna ka dkhot met da ki social pension.

Ka National Assistance Program ka kynthub ia sam tylli ki skhim hapoh jong ka:

Ka Indira Gandhi National Old Age Pension Skhim (IGNOAPS):
Ka Indira Gandhi National Old Age Pension Skhim (IGNOAPS) kadei ka skhim ba ai na ka sorkar ba pynbaing pension ia kiba la shongthait ba lah don ka rta 60 snem bad ba im duk (hapoh BPL). Baroh kiba lah don 60 snem ka rta bad ba duk (hapoh BPL) ki lah ban ioh jingmyntoi na ka IGNOAPS. Baroh kiba ioh jingmyntoi na ka IGNOAPS kiba don ka rta 60-79 snem ki ioh pension shibnai ha ka dor kaba 300 tyngka (200 tyngka na ka sorkar pdeng bad 100 tyngka na ka sorkar jylla). Kito kiba lah don 80 snem bad shaneng ki ioh pension ha ka dor 500 tyngka ha ka shi bnai. La kyrpad ia ki jylla ba kin phylliew tyngka katjuh bad ka sorkar pdeng khnang ba ki nong ioh jingmyntoi kin ioh ka seng kaba kham biang.

Ka Indira Gandhi National Widow Pension Skhim (IGNWPS):
Ka Indira Gandhi National Widow Pension Skhim (IGNWPS), kaba la sdang ha u snem 2009, ka pynbiang ia kiba duk (hapoh BPL) kiba la iap lok kiba don ha ki rta ba hapdeng 40 haduh 64 (hadien la pynkylla sha ka 40 haduh 59) bad ki ioh pension 200 tyngka ha ka shi bnai marwei. Hadien ba ki la kot ia ka 60 snem ka rta, ki la long ban ioh pension hapoh ka Indira Gandhi National Old Age Pension Skhim (IGNOAPS). Kidei ban ioh haduh 2000. Kane ka prokram la sdnag ha u snem 2007 hapoh ka minstry of rural development.

Ka Indira Gandhi National Disability Pension Skhim (IGNDPS):
Kiba lah ban ioh jingmyntoi: Ki briew ba lah kot 18 snem ka rta bad shaneng kiba duk (hapoh BPL).

Ka dor: 300 tyngka (US$4.20) ha ka shi bnai (500 tyngka (US$7.00) ia kiba ka kot 80 snem ka rta bad shaneng).

Ka National Family Benefit Skhim (NFBS):

lada jia ryngkhat ba don ka jing khlad noh jong kiba long khlieh ban kamai ha ïng ha sem, kane ka longïng kan ioh ka seng ban iarap ha ka dor 20,000 tyngka. Ita iba la khlad i la dei ban don ka rta ba hapdeng 18 haduh 64 snem. Baroh ki ing ba jia kum kane ka jing jia kin ioh kane ka jingiarap tyngka.

Ka Annapurna Skhim:

Kane ka skhim ka thmu ban pynbiang jingbam ban kot ia ka jingdonkam jong kito ki tymmen bym la hap ha ka skhim IGNOAPS wat lada ki long kiba lah ban ioh ka kajingmyntoi. Hapoh ka Annapurna Skhim, 10 kg u khaw yn pynbiang shi bnai shi khlieh.

Ban pule shuh shuh sngewbha peit hangne NSAP

Ki nongioh jingmyntoi:

Kiba la kot 60 snem ka rta bad shaneng, kiba duna ka dkhot met, kiba lah iap lok bad ki ïng ki sem ba lah duh noh ia uba kamai na ka bynta ka ïng.

Ki jingmyntoi:

Ka tyngka kum ka pension bad ha kaba don ki jingjia ba sngewsih ha ki ïng.

Kumno ban applai

Lyngba ki nongpyniaid shnong bad ka ophis u Blok Development Ophisar.