Ka Deendayal Antyodaya Yojana – National Rural Livelihoods Mission (DAY-NRLM)

Tarik : 10/01/2019 - 31/03/2019 | Ka tnad: Social Welfare

Ia ka Ajeevika-National Rural Livelihoods Mission (NRLM) la thaw da ka Sorkar India, Ministry of Rural Development ha u bnai June, 2011. Ia kane ka Mission la kyrshan ruh da ka World Bank. Kane ka Mission ka thmu ban wanrah roi ka par, ka ioh ka kot ha ki nongkyndong da kaba seng ia ki kynhun (Groups/Institutional platforms) kiban long kum ki lad ban kham pynjan ia ka sorkar ha ka rukom ai jingiarap, kynshew pisa, bai seng , bad kumta ter ter. Ka NRLM ka thmu ban ai jingiarap kumba 7 klur tylli ki longing, ha ki 600 tylli ki District, 6000 tylli ki block, 2 lak sanphew hajar ki Gram Panchayat bad 6 lak ki shnong ha baroh ka Ri India lyngba ki kynhun iarap da lade ialade lane ki Self Help Groups (SHGs) lane kiwei kiwei ki jait kynhun kiba iahap bad ruh ban kyrshan ia ki na ka bynta ki kam ri jingri, kam rep, kam pynroi ia ka ioh ka kot la kumno kumno 8 haduh 10 snem. Halor kata, ka NRLM ka thmu ruh ban iarap ia kiba duk ban wanrah ia ka roi ka par ha ka dur ka imlang sahlang kaba kiew rynkat ki hok kibadei ban ioh. Ka NRLM ka ngeit ba da kaba kynshew ia ka bor jinglah ki nongkyndong bad ban bynrap ia ki da ki jingnang jingtip kiba dei (ka jingtip, ka jingstad, ka buit ka bor, ki tiar ki tar, ka jingbei tyngka bad ka jingiatreilang) kan pynroi ia ka ri baroh kawei.

Ki nongioh jingmyntoi:

Ki kynhun na ki shnong kyndong. (Self Help group), khamktam ki kynthei.

Ki jingmyntoi:

Jingiarap ha ka liang kaba ri jingri, lehkam lajong, jingshim ram kylliang, jaka kynshew tyngka

Kumno ban applai

Lyngba ka jingialang paitbah, ka jinglum ia ki kynhun (SHG mobilisation) da ka ophis NRLM na Block.